Lögreglan vill ná tali af þessum manni

Lögreglan á höfuðborgarsvæðinu óskar eftir að ná tali af manninum á meðfylgjandi mynd. Myndin birtist á Facebook-síðu lögreglunnar en þar segir að lögreglan vilji tala við manninn vegna máls sem hún hefur til rannsóknar.

Er maðurinn beðinn um að hafa samband við lögreglustöðina á Hverfisgötu 113-115 í Reykjavík í síma 444 1000.

Þá eru þeir sem þekkja til mannsins, eða vita hvar hann er að finna, einnig beðnir um að hringja í lögregluna, en upplýsingum má jafnframt koma á framfæri í tölvupósti á netfangið abending@lrh.is eða í einkaskilaboðum á Facebook-síðu lögreglunnar á höfuðborgarsvæðinu.