Fótbolti

Sara aldrei skorað meira fyrir Wolfsburg á einu tímabili

Ingvi Þór Sæmundsson skrifar
Sara Björk hefur skorað fimm mörk í þýsku úrvalsdeildinni á tímabilinu.
Sara Björk hefur skorað fimm mörk í þýsku úrvalsdeildinni á tímabilinu. vísir/getty
Sara Björk Gunnarsdóttir skoraði eitt marka Wolfsburg þegar liðið rúllaði yfir Freiburg, 0-8, á útivelli í þýsku úrvalsdeildinni í dag.

Þetta var fimmta mark Söru í níu deildarleikjum í vetur. Hún hefur aldrei skorað jafn mikið fyrir Wolfsburg á einu tímabili.

Sara gerði sjöunda mark Wolfsburg þegar fimm mínútur voru til leiksloka.



Pernille Harder skoraði þrennu fyrir Wolfsburg sem hefur unnið alla níu leiki sína í deildinni. Liðið er með þriggja stiga forskot á Hoffenheim á toppnum.

Sandra María Jessen lék allan leikinn fyrir Bayer Leverkusen sem vann Jena, 2-0, á heimavelli.

Fyrir leikinn hafði Leverkusen tapað fimm leikjum í röð. Leverkusen er í 9. sæti deildarinnar með níu stig.

Þýski boltinn

Mest lesið


Fleiri fréttir

Sjá meira


×

Mest lesið