Körfuboltakvöld: Geir Ólafs söng jólin inn

Jólaþáttur Körfuboltakvölds Kjartans Atla Kjartanssonar var í beinni útsendingu frá Ölveri síðastliðið föstudagskvöld.

Þar var fyrri hluti tímabilsins í Dominos deildunum gerður upp við hátíðlega athöfn þar sem bestu leikmenn deildanna til þessa voru til að mynda heiðraðir.

Skapast hefur skemmtileg hefð í kringum þennan lokaþátt ársins hjá Kjartani og félögum þar sem söngvarinn geðþekki Geir Ólafsson mætir og tekur lagið. 

Geir mætti og tryllti lýðinn af sinni alkunnu snilld eins og sjá má á meðfylgjandi myndskeiði.