Félag íslenskra hjúkrunarfræðinga samþykkti rétt í þessu miðlunartillögu ríkissáttasemjara í máli Fíh og fjármála- og efnahagsráðherra. Tillagan var samþykkt með 64,36 prósent atkvæða, 2726 voru á kjörskrá og greidu 78,43 prósent þeirra atkvæði.
Fjármála- og efnahagsráðherra samþykkti tillöguna einnig. Nýr kjarasamningur hefur því komist á og mun hann gilda til 31. Mars 2023. Niðurstaða Gerðardóms um afmarkaðan hluta launaliðar kjarasamningsins mun liggja fyrir 1. september næstkomandi.
Fyrirhuguðu verkfalli hjúkrunarfræðinga sem átti að hefjast í fyrramálið var afstýrt seint í kvöld þegar samkomulag náðist um miðlunartillögu sem Aðalsteinn Leifsson, ríkissáttasemjari lagði fram til samninganefnda Félags íslenskra hjúkrunarfræðinga (Fíh) og ríkisins.
Fundi samninganefnda Félags íslenskra hjúkrunarfræðinga og ríkisins lauk í Karphúsinu á tólfta tímanum í kvöld. Fyrirhuguðu verkfalli sem átti að hefjast klukkan 08:00 í fyrramálið hefur verið afstýrt
Hjúkrunarfræðingar söfnuðust saman fyrir utan Karphúsið í dag áður en samninganefndir Félags íslenskra hjúkrunarfræðinga og ríkisins mættu þar til fundar á þriðja tímanum.
