Stóra myndin Einar Hermannsson og Valgerður Rúnarsdóttir skrifa 30. júní 2020 10:00 Í dag fara fram sögulegar kosningar hjá SÁÁ. Félagsmenn munu kjósa forystu sem á leiða samtökin áfram til framtíðar. Með mér stendur hópur fólks með reynslu alls staðar að úr samfélaginu sem hafa það sameiginlegt að brenna fyrir velgengni SÁÁ. SÁÁ eru samtök þúsunda Íslendinga sem vilja styðja við bakið á meðferðaúrræðum fyrir fíknisjúklinga og öfluga eftirmeðferð svo ekki sé talað um fjölbreytilegt félagsstarf. Allt er þetta hægt með samvinnu fólks. Fólks sem hefur skýra stefnu og brennandi áhuga á málefninu. Undanfarnar vikur höfum við sem hópur spáð í hvernig við getum gert samtökin hæf til að takast á við framtíðina. Við teljum að öflug nútímleg meðferð unnin af fagstéttum með mismundandi menntun sé vænlegust til árangurs. Það er mikilvægt að stjórn og starfsfólk vinni saman að framtíðarsýn samtakanna, byggða á fjárhagsáætlun, samvinnu og vísindum og að hægt sé að móta stefnu til nokkurra ára fram í tímann, en ekki tólf mánaða í senn eins og nú er. Meðferðin Einhver myndi sennilega reka upp stór augu ef heilbrigðisráðherrann sjálfur færi að reka eða ráða einstaka lækna, hjúkrunarfræðinga eða sálfræðinga á deildum Landspítalans. Þetta gerði framkvæmdastjórn SÁÁ núna í vetur og greip þannig fyrir hendurnar á faglegum stjórnendum. Við verðum að vera skýr um verkaskiptinguna. Framkvæmdastjórn SÁÁ stýrir ekki meðferðarstarfi samtakanna. Það gera faglegir stjórnendur sem til þess eru ráðnir. Við erum að reka heilbrigðisstarfsemi. Það er sérstaklega mikilvægt að halda því til haga að meðferðarstarf SÁÁ þarf að fara fram í samræmi við lögin í landinu, líkt og aðrar heilbrigðisstofnanir. Þetta starf lýtur eftirliti Landlæknis og verður að fara með það starf með sama hætti og hjá öðrum heilbrigðisstofnunum hvað varðar rekstur, öryggi, persónuvernd og fleira. Þetta er ærið starf og það er mikilvægt að stjórnvöld, sem við gerum við milljarðasamninga um rekstur heilbrigðisstarfsemi, geti treyst því að meðferðarstarf SÁÁ fari fram á faglegum grunni. Fjármálin Nú er brýnna en nokkru sinni fyrr að SÁÁ hugi að framtíðinni í uppbyggingu sinni. Við megum ekki missa sjónar á stóru myndinni. Við erum sjálfstæð og öflug samtök alls konar fólks úr öllum geirum samfélagsins. Við verðum saman að standa vörð um markmið og hugsjónir SÁÁ. Og um hvað erum við að tala? Við erum að tala um mikið og ósérhlífið starf í þágu fólks með fíknisjúkdóm og aðstandenda þeirra. Þetta er stóra myndin! Þetta gerum við best með faglegri uppbyggingu og nútímalegri útfærslu sem byggist á samvinnu milli fólks og meðferð sem stýrt er af fagfólki. Fjárhagsstaðan eins og alltaf í sögu samtakanna mætti auðvitað vera betri. Það er ekkert neyðarástand sem betur fer, þrátt fyrir Covid-19 faraldurinn og samdrátt sem honum fylgir. Neyðarástandið er úti í samfélaginu og við megum ekki missa sjónar á því! Reksturinn heldur áfram, reikningar eru greiddir og allir fá laun. En við þurfum að byggja framtíðina á styrkari stoðum en hingað til. Það verður ekki gert með hurðaskellum í ráðuneytum eða annars staðar. Grastótin Það er mikilvægt að bjóða alla velkomna í SÁÁ og hér sé öflugt edrúsamfélag. Þegar einstaklingar koma úr meðferð þarf fólk klárlega að breyta lífi sínu og finna sér ný áhugamál, nýja vini og kunningja, styrkja böndin við fjölskylduna og geta tekið þátt í samfélagi sem hefur skilning og þekkir þarfirnar. Öflugt félagsstarf leikur þar lykilhlutverk að okkar mati. Gríðaleg tækifæri eru þar í starfi SÁÁ. Í dag liggur félagsstarf í þessum stóru öflugu samtökum næstum því niðri. Þessu verðum við að snúa við. Fjáraflanir eru einnig mikilvægur þáttur til að styðja við bakið á samtökunum. Það starf þarf að efla og bæta. Að lokum og að gefnu tilefni Engum í okkar hóp hefur látið sér detta það í huga að afhenda ríkinu SÁÁ, hvorki rekstur, eignir né nokkra einustu flís. Við sem stöndum að þessu viljum sjá SÁÁ vaxa og dafna. Það er komin tími að hætta átökum, valdabrölti og einræði. Það er töluverður munur á að segja: Gerið þetta eða segja: Gerum þetta! Einar Hermannsson, frambjóðandi til formanns SÁÁ. --- Ég styð Einar Hermannsson til formanns og treysti honum til að leiða samtökin SÁÁ áfram af heiðarleika, virðingu og með góðum samskiptum við alla hlutaðeigandi, skjólstæðinga, yfirvöld og starfsfólk. Þannig er best unnið að hag fólks með fíknsjúkdóm og aðstandendum þeirra, sem SÁÁ vill helga starfsemi sína. Valgerður Rúnarsdóttir framkvæmdastjóri lækninga hjá SÁÁ. Viltu birta grein á Vísi? Sendu okkur póst. Senda grein Ólga innan SÁÁ Mest lesið Má berja blaðamenn? Sigríður Dögg Auðunsdóttir Skoðun Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun Hagur hluthafanna alltaf og undantekningarlaust í forgangi Jón Kaldal Skoðun Að flokka hver vinnur og hver tapar Tryggvi Rúnar Brynjarsson Skoðun Orðhengilsháttur og lygar Elín Erna Steinarsdóttir Skoðun Samfélagið innan samfélagsins Sigríður Svanborgardóttir Skoðun Vonir um vopnahlé eins og hálmstrá Sveinn Rúnar Hauksson Skoðun Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun Hvers vegna hatar SFS smábáta? Svarið tengist veiðigjöldum Kjartan Páll Sveinsson Skoðun „Oft er flagð undir fögru skinni“ Guðmunda G. Guðmundsdóttir Skoðun Skoðun Skoðun Að flokka hver vinnur og hver tapar Tryggvi Rúnar Brynjarsson skrifar Skoðun Hagur hluthafanna alltaf og undantekningarlaust í forgangi Jón Kaldal skrifar Skoðun Má berja blaðamenn? Sigríður Dögg Auðunsdóttir skrifar Skoðun Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir skrifar Skoðun Vonir um vopnahlé eins og hálmstrá Sveinn Rúnar Hauksson skrifar Skoðun Samfélagið innan samfélagsins Sigríður Svanborgardóttir skrifar Skoðun Til hamingju Íslendingar með nýja Óperu Andri Björn Róbertsson skrifar Skoðun Hvers vegna hatar SFS smábáta? Svarið tengist veiðigjöldum Kjartan Páll Sveinsson skrifar Skoðun „Oft er flagð undir fögru skinni“ Guðmunda G. Guðmundsdóttir skrifar Skoðun Orðhengilsháttur og lygar Elín Erna Steinarsdóttir skrifar Skoðun Fjögurra daga vinnuvika – nýr veruleiki? Sigvaldi Einarsson skrifar Skoðun Ráðherra gengur fram án laga Svanur Guðmundsson skrifar Skoðun Hagkvæmur kostur utan friðlands Jóna Bjarnadóttir skrifar Skoðun Gagnsæi og inntak Halldóra Lillý Jóhannsdóttir skrifar Skoðun Sumargjöf Þórunn Sigurðardóttir skrifar Skoðun Hannað fyrir miklu stærri markaði Hjörtur J. Guðmundsson skrifar Skoðun Grafarvogur framtíðar verður til Sara Björg Sigurðardóttir skrifar Skoðun Málþófið um veiðigjöldin vekur miskunnsama Samverja Sigurjón Þórðarson skrifar Skoðun Menntastefna 2030 Guðmundur Ingi Kristinsson skrifar Skoðun Ágætu fyrrum samstarfsaðilar á Þjóðminjasafni Íslands Uggi Jónsson skrifar Skoðun Ferðamannaþorpin - Náttúruvá Þóra B. Hafsteinsdóttir skrifar Skoðun Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson skrifar Skoðun Laxaharmleikur Jóhannes Sturlaugsson skrifar Skoðun Lýðræðið í skötulíki! Lilja Rafney Magnúsdóttir skrifar Skoðun Stærðfræðikennari sem kann ekki að reikna? (Og getur ekki lært það!) Brynjólfur Þorvarðsson skrifar Skoðun Íslendingar greiða sama hlutfall útgjalda í mat og Norðurlöndin Margrét Gísladóttir skrifar Skoðun Til varnar jafnlaunavottun Magnea Marinósdóttir skrifar Skoðun Heimaþjónusta og velferðartækni: Lykillinn að sjálfbæru heilbrigðiskerfi Auður Guðmundsdóttir skrifar Skoðun Barnaræninginn Pútín Gunnar Hólmsteinn Ársælsson skrifar Skoðun Um þjóð og ríki Gauti Kristmannsson skrifar Sjá meira
Í dag fara fram sögulegar kosningar hjá SÁÁ. Félagsmenn munu kjósa forystu sem á leiða samtökin áfram til framtíðar. Með mér stendur hópur fólks með reynslu alls staðar að úr samfélaginu sem hafa það sameiginlegt að brenna fyrir velgengni SÁÁ. SÁÁ eru samtök þúsunda Íslendinga sem vilja styðja við bakið á meðferðaúrræðum fyrir fíknisjúklinga og öfluga eftirmeðferð svo ekki sé talað um fjölbreytilegt félagsstarf. Allt er þetta hægt með samvinnu fólks. Fólks sem hefur skýra stefnu og brennandi áhuga á málefninu. Undanfarnar vikur höfum við sem hópur spáð í hvernig við getum gert samtökin hæf til að takast á við framtíðina. Við teljum að öflug nútímleg meðferð unnin af fagstéttum með mismundandi menntun sé vænlegust til árangurs. Það er mikilvægt að stjórn og starfsfólk vinni saman að framtíðarsýn samtakanna, byggða á fjárhagsáætlun, samvinnu og vísindum og að hægt sé að móta stefnu til nokkurra ára fram í tímann, en ekki tólf mánaða í senn eins og nú er. Meðferðin Einhver myndi sennilega reka upp stór augu ef heilbrigðisráðherrann sjálfur færi að reka eða ráða einstaka lækna, hjúkrunarfræðinga eða sálfræðinga á deildum Landspítalans. Þetta gerði framkvæmdastjórn SÁÁ núna í vetur og greip þannig fyrir hendurnar á faglegum stjórnendum. Við verðum að vera skýr um verkaskiptinguna. Framkvæmdastjórn SÁÁ stýrir ekki meðferðarstarfi samtakanna. Það gera faglegir stjórnendur sem til þess eru ráðnir. Við erum að reka heilbrigðisstarfsemi. Það er sérstaklega mikilvægt að halda því til haga að meðferðarstarf SÁÁ þarf að fara fram í samræmi við lögin í landinu, líkt og aðrar heilbrigðisstofnanir. Þetta starf lýtur eftirliti Landlæknis og verður að fara með það starf með sama hætti og hjá öðrum heilbrigðisstofnunum hvað varðar rekstur, öryggi, persónuvernd og fleira. Þetta er ærið starf og það er mikilvægt að stjórnvöld, sem við gerum við milljarðasamninga um rekstur heilbrigðisstarfsemi, geti treyst því að meðferðarstarf SÁÁ fari fram á faglegum grunni. Fjármálin Nú er brýnna en nokkru sinni fyrr að SÁÁ hugi að framtíðinni í uppbyggingu sinni. Við megum ekki missa sjónar á stóru myndinni. Við erum sjálfstæð og öflug samtök alls konar fólks úr öllum geirum samfélagsins. Við verðum saman að standa vörð um markmið og hugsjónir SÁÁ. Og um hvað erum við að tala? Við erum að tala um mikið og ósérhlífið starf í þágu fólks með fíknisjúkdóm og aðstandenda þeirra. Þetta er stóra myndin! Þetta gerum við best með faglegri uppbyggingu og nútímalegri útfærslu sem byggist á samvinnu milli fólks og meðferð sem stýrt er af fagfólki. Fjárhagsstaðan eins og alltaf í sögu samtakanna mætti auðvitað vera betri. Það er ekkert neyðarástand sem betur fer, þrátt fyrir Covid-19 faraldurinn og samdrátt sem honum fylgir. Neyðarástandið er úti í samfélaginu og við megum ekki missa sjónar á því! Reksturinn heldur áfram, reikningar eru greiddir og allir fá laun. En við þurfum að byggja framtíðina á styrkari stoðum en hingað til. Það verður ekki gert með hurðaskellum í ráðuneytum eða annars staðar. Grastótin Það er mikilvægt að bjóða alla velkomna í SÁÁ og hér sé öflugt edrúsamfélag. Þegar einstaklingar koma úr meðferð þarf fólk klárlega að breyta lífi sínu og finna sér ný áhugamál, nýja vini og kunningja, styrkja böndin við fjölskylduna og geta tekið þátt í samfélagi sem hefur skilning og þekkir þarfirnar. Öflugt félagsstarf leikur þar lykilhlutverk að okkar mati. Gríðaleg tækifæri eru þar í starfi SÁÁ. Í dag liggur félagsstarf í þessum stóru öflugu samtökum næstum því niðri. Þessu verðum við að snúa við. Fjáraflanir eru einnig mikilvægur þáttur til að styðja við bakið á samtökunum. Það starf þarf að efla og bæta. Að lokum og að gefnu tilefni Engum í okkar hóp hefur látið sér detta það í huga að afhenda ríkinu SÁÁ, hvorki rekstur, eignir né nokkra einustu flís. Við sem stöndum að þessu viljum sjá SÁÁ vaxa og dafna. Það er komin tími að hætta átökum, valdabrölti og einræði. Það er töluverður munur á að segja: Gerið þetta eða segja: Gerum þetta! Einar Hermannsson, frambjóðandi til formanns SÁÁ. --- Ég styð Einar Hermannsson til formanns og treysti honum til að leiða samtökin SÁÁ áfram af heiðarleika, virðingu og með góðum samskiptum við alla hlutaðeigandi, skjólstæðinga, yfirvöld og starfsfólk. Þannig er best unnið að hag fólks með fíknsjúkdóm og aðstandendum þeirra, sem SÁÁ vill helga starfsemi sína. Valgerður Rúnarsdóttir framkvæmdastjóri lækninga hjá SÁÁ.
Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun
Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun
Skoðun Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir skrifar
Skoðun Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson skrifar
Skoðun Stærðfræðikennari sem kann ekki að reikna? (Og getur ekki lært það!) Brynjólfur Þorvarðsson skrifar
Skoðun Íslendingar greiða sama hlutfall útgjalda í mat og Norðurlöndin Margrét Gísladóttir skrifar
Skoðun Heimaþjónusta og velferðartækni: Lykillinn að sjálfbæru heilbrigðiskerfi Auður Guðmundsdóttir skrifar
Nýr rektor og 2025 – tímamót í háskólamálum Ástráður Eysteinsson,Magnús Karl Magnússon,Margrét Helga Ögmundsdóttir,Tinna Laufey Ásgeirsdóttir Skoðun
Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun