Fótbolti

PSG niður­lægði Saint-Etienne í deildar­bikarnum

Anton Ingi Leifsson skrifar
Neymar og Mbappe voru í stuði í kvöld.
Neymar og Mbappe voru í stuði í kvöld. vísir/getty

PSG er komið í undanúrslit franska deildarbikarsins eftir 6-1 sigur á Saint-Etienne á heimavelli í kvöld.

Veislan hófst strax á 2. mínútu er Mauro Icardo skoraði og ekki skánaði ástandið hjá gestunum sem misstu mann af velli á 31. mínútu er Wesley Fofana fékk sitt annað gula spjald.

Neymar bætti við marki fyrir hlé og Jessy Moulin varð fyrir því óláni að skora sjálfsmark. Staðan 3-0 í hálfleik.

Icardi skoraði tvö mörk á fyrstu tólf mínútum síðari hálfleiks og Kylian Mbappe gerði sjötta mark frönsku meistaranna á 67. mínútu.







Yohan Cabaye, fyrrum leikmaður Newcastle og PSG, klóraði í bakkann fyrir gestina nítján mínútum fyrir leikslok. Lokatölur 6-1.

Reims, Lyon, Lille og PSG eru því komin í undanúrslitin en Strasbourg vann bikarinn á síaðsta ári.

Fótbolti

Mest lesið


Fleiri fréttir

Sjá meira


×

Mest lesið