Körfubolti

Dallas leggur treyju númer 24 til hliðar

Ingvi Þór Sæmundsson skrifar
Kobe lék í treyju númer 24 á árunum 2006-16.
Kobe lék í treyju númer 24 á árunum 2006-16. vísir/getty

Dallas Mavericks ætlar að leggja treyju númer 24 til hliðar til heiðurs Kobe Bryant sem lést í gær.

Mark Cuban, eigandi Dallas, sendi frá sér yfirlýsingu þess efnis. Þar vottaði hann jafnframt fjölskyldum þeirra sem létust samúð sína.

„Arfleið Kobes nær út fyrir körfubolta og félagið hefur ákveðið að leikmaður þess muni aldrei aftur klæðast treyju númer 24,“ segir í yfirlýsingu Cubans.



Los Angeles Lakers, eina NBA-liðið sem Kobe lék með, hengdi treyjur hans, númer 8 og 24, upp í rjáfur í Staples Center við hátíðlega athöfn í desember 2017.

Aldrei hafa tvö treyjunúmer verið lögð til hliðar til heiðurs einum og sama leikmanninum. Kobe lék í treyju númer 8 á árunum 1996-2006 og treyju númer 24 á árunum 2006-16.

Andlát Kobe Bryant NBA

Tengdar fréttir

Neymar minntist Kobe

Paris Saint-Germain vann Lille 2-0 í frönsku úrvalsdeildinni í kvöld. Brasilíska stórstjarnan Neymar minntist Kobe Bryant, körfuboltagoðsagnarinnar sem lést í þyrluslysi í morgun, eftir að hann skoraði annað mark Parísarliðsins.

Íslendingar minnast Kobe

Andlát Kobe Bryant hefur snert við mörgum Íslendingum og ljóst er að þessi magnaði íþróttamaður hefur haft mikil áhrif á íþróttalíf, þá sérstaklega körfubolta, hér á landi undanfarin ár.

Kobe Bryant minnst með aðdáun og sorg í hjarta

Skelfilegar fréttir af andláti Kobe Bryant, eins merkasta íþróttamanns sögunnar, hefur sett fólk algjörlega út af sporinu nú í kvöld. Fólk hvaðan að úr heiminum minnist stórstjörnunnar á samfélagsmiðlum.

Sjáðu stuttmynd Kobe sem skilaði honum Óskarsverðlaunum

Kobe Bryant, sem lést í morgun í þyrluslysi, verður alltaf minnst sem eins besta körfuboltamanns allra tíma. Í stuttmynd sem hann gerði árið 2018 fer hann yfir hvað körfubolti er fyrir honum og að hann hafi gefið allt sem hann átti í leikinn sem hann elskaði.

Michael Jordan um Kobe Bryant: Hann var eins og litli bróðir minn

Nær allir sem hafa eitthvað með NBA-deildina að gera, fyrr eða síðar, hafa gefið sér tíma til að minnast Kobe Bryant sem lést í þyrluslysi í gær. Michael Jordan, maðurinn sem Kobe Bryant var alltaf borinn saman við, var einn af þeim og hann minntist Kobe með hjartnæmum orðum.

Kobe Bryant lést í þyrluslysi

Bandaríski körfuboltamaðurinn Kobe Bryant er látinn að sögn fjölmiðla vestanhafs. Bandarískir fjölmiðlar segja hann hafa látist í þyrluslysi í Calabasas í Kaliforníu í morgun.

Ferill Kobe Bryant í máli og myndum

Kobe Bryant, einn magnaðasti íþróttamaður og karakter íþróttasögunnar, er látinn. Í greininni verður reynt að gera ótrúlegum íþróttaferli Kobe mannsæmandi skil.

Mest lesið


Fleiri fréttir

Sjá meira


×

Mest lesið