Leita vitna að líkams­á­rás við Ráð­hús­torg á Akur­eyri

Lögreglan á Norðurlandi eystra óskar eftir vitnum að líkamsárás fyrir utan veitingastaðinn R5 bar við Ráðhústorg 5 á Akureyri aðfarnótt sunnudagsins 19. janúar, um klukkan hálf tvö. Í tilkynningu segir að nokkrir menn hafi þar veist að tveimur mönnum og árásin staðið yfir í nokkrar mínútur.

Þeir sem urðu vitni að líkamsárásinni eru vinsamlegast beðnir um að hafa samband við lögregluna á Norðurlandi eystra í síma 444-2800 eða senda skilaboð á fésbókarsíðu embættisins.