Körfubolti

Bridges og Zion með mögnuð tilþrif í ungstirnaleiknum

Sindri Sverrisson skrifar
Zion Williamson var ekkert að hlífa körfuhringnum.
Zion Williamson var ekkert að hlífa körfuhringnum. vísir/epa

Miles Bridges úr Charlotte Hornets var valinn maður leiksins þegar ungstirnaleikur NBA-deildarinnar fór fram.

Í leiknum mættust úrvalslið Bandaríkjanna og úrvalslið erlendra leikmanna í deildinni, en aðeins leikmenn á fyrsta eða öðru ári í deildinni voru gjaldgengir. Aðstoðarþjálfarar liðanna í deildinni völdu úrvalsliðin en Bandaríkjamenn fögnuðu sigri, 151-131.

Bridges skoraði 20 stig, tók fimm fráköst og átti fimm stoðsendingar og sýndi oft góð tilþrif.

Luka Doncic og Trae Young tóku báðir þátt í leiknum en verða einnig með í stjörnuleiknum á morgun. Doncic setti meðal annars niður þrist í rólegheitum af eigin vallarhelmingi:

Zion Williamson lét reyna duglega á burðarþol körfuhringsins og þurftu vallarstarfsmenn að laga hringinn til þegar liðin fóru til búningsklefa. Williamson skoraði 14 stig í leiknum.

NBA

Mest lesið


Fleiri fréttir

Sjá meira


×

Mest lesið