Byrjun Zion Williamson þegar orðin söguleg

Bandaríski körfuboltamaðurinn Zion Williamson lét bíða eftir sér á sínu fyrsta tímabili í NBA-deildinni en frammistaðan hans hefur ekki ollið miklum vonbrigðum.

Zion Williamson skoraði 31 stig á 28 mínútum í nótt í sigri New Orleans Pelicans á Portland Trail Blazers og var einnig með 9 fráköst og 5 stoðsendingar.

Zion Williamson er aðeins þriðji leikmaðurinn á síðustu þremur áratugum sem nær að skora sjö sinnum yfir tuttugu stig í fyrstu tíu leikjum sínum í NBA-deildinni.

Zion Williamson er meira segja að ná þessu í níu leikjum sem er meira en hinir tveir, Grant Hill og Shaquille O´Neal gátu státað af.

Zion Williamson is the 3rd player with seven 20-point games in his first 10 career games over the last 30 seasons. He joins Grant Hill and Shaquille O'Neal (also 7).

He is the only player in that span to record seven 20-point games in his first 9 career games. pic.twitter.com/VUhyp56ebP

— ESPN Stats & Info (@ESPNStatsInfo) February 12, 2020

Zion Williamson hefur skorað 21,0 stig og tekið 7,7 fráköst að meðaltali í leik í fyrstu níu leikjum sínum með New Orleans Pelicans þrátt fyrir að spila „bara“ 27,0 mínútur að meðaltali. Hann hefur nýtt 57,6 prósent skota sinna og er einnig með 2,3 stoðsendingar í leik.

New Orleans Pelicans hefur nú unnið sex af síðustu átta leikjum sínum og er nú fjórum sigurleikjum frá sæti í úrslitakeppninni. Með sama áframhaldi gæti liðið unnið sér sæti í úrslitakeppninni strax á fyrsta tímabili Zion Williamson með liðinu en liðið þarf þá reyndar mjög góðan endasprett.

Zion goes up high for the catch and lay-in to give him his first career 30-point game! #NBARookspic.twitter.com/UutCIBeLQg

— NBA (@NBA) February 12, 2020

Fyrstu níu leikir Zion Williamson með New Orleans Pelicans:

Tap fyrir San Antonio Spurs - 22 stig á 18 mínútum

Tap fyrir Denver Nuggets - 15 stig á 21 mínútu

Sigur á Boston Celtics - 21 stig á 27 mínútum (11 fráköst)

Sigur á Cleveland Cavaliers - 14 stig á 30 mínútum (9 fráköst)

Sigur á Memphis Grizzlies - 24 stig á 29 mínútum

Tap fyrir Houston Rockets - 21 stig á 33 mínútum (10 fráköst)

Tap fyrir Milwaukee Bucks - 20 stig á 32 mínútum (5 stoðsendingar)

Sigur á Chicago Bulls - 21 stig á 25 mínútum

Sigur á Portland Trail Blazers - 31 stig á 28 mínútum (9 fráköst, 5 stoðsendingar)

“Zion prob won’t be able to score in the NBA” pic.twitter.com/eQh9YA2uGb

— Tommy Beer (@TommyBeer) February 12, 2020