Undir lok leiks Tindastóls og Fjölnis í Domino's deild karla í gær tók Viðar Ágústsson þá undarlegu ákvörðun að brjóta á Róberti Sigurðarsyni þegar staðan var jöfn, 80-80.
Róbert setti fyrra vítið niður og klikkaði svo viljandi á því seinna. Leiktíminn rann út og Fjölnismenn fögnuðu afar óvæntum sigri, 80-81.
Sérfræðingar Domino's Körfuboltakvölds skildu hvorki upp né niður í Viðari og þeirri ákvörðun hans að brjóta á Róberti.
„Viðar, hvað varstu að gera drengur?!“ spurði Benedikt Guðmundsson forviða.
Sérfræðingarnir veltu fyrir sér hvort Viðar hafi ekki vitað hver staðan í leiknum var.
„Hann var greinilega eini maðurinn sem vissi ekkert hvað var að gerast inni á vellinum. Það fórnuðu allir höndum,“ sagði Teitur Örlygsson.
„Stigataflan á Króknum er sú stærsta á Íslandi. Það hlýtur einhver að hafa öskrað á hann. Var einhver á bekknum sem klúðraði einhverju?“ bætti Teitur við.
Innslagið í heild sinni má sjá í spilaranum hér fyrir ofan.
Domino's Körfuboltakvöld: Vissi Viðar ekki hver staðan var?
Tengdar fréttir

Umfjöllun: Tindastóll - Fjölnir 80-81 | Fjölnir fagnaði á Króknum eftir dramatík
Botnlið Fjölnis setti strik í reikninginn hjá Tindastóli í baráttunni í efri hluta Dominos-deildar karla í körfubolta með 81-80 sigri á Sauðákróki í kvöld. Dramatíkin var alls ráðandi á lokamínútunni.