Hlöllabátum í Smáralind lokað vegna smits

Starfsmaður skyndibitastaðarins Hlöllabáta í Smáralind hefur greinst með Covid-19 smit. Staðnum hefur verið lokað í eina viku og allir starfsmenn staðarins í Smáralind sendir í sóttkví.

Í tilkynningu frá Hlöllabátum er þakkað fyrir gott samstarf við rakningarteymið.

Fyrirtækið bauð starfsmönnum Landspítala og lögreglu frían bát fyrr á árinu sem þakklætisvott. Starfsfólki Íslenskrar erfðagreiningar og rakningarteyminu er sömuleiðis boðið í frían bát á Höfðabakka eða Mosfellsbæ.

„Með þessu litla framlagi okkar vonum við að fólkið sem sinnir mikilvægu starfi í framlínunni finni þakklætið fyrir þeirra störf. Því þegar öllu er á botninn hvolft þá stöndum við öll saman í þessari baráttu.“