John Snorri lagður af stað á toppinn

Sylvía Hall skrifar 4. febrúar 2021 22:14

John Snorri Sigurjónsson reynir nú að klífa K2 ásamt Ali og Sajid. John Snorri Sigurjónsson

John Snorri Sigurjónsson hefur lagt af stað á toppinn á fjallinu K2 ásamt föruneyti sínu, feðgunum Ali og Sajid. Frá þessu er greint á Facebook-síðu Johns Snorra í kvöld.

Hópurinn kom í þriðju grunnbúðir fjallsins klukkan 13 að staðartíma í dag, eða klukkan átta að íslenskum tíma í morgun.

Í færslunni segir að þeir hafi ekkert náð að hvíla sig í dag sökum þess að þrír aðrir fjallgöngumenn fengu skjól í tjaldi þeirra. Því hafi þeir þurft að vera sex saman í litlu tjaldi.

„Klifur gekk vel í dag, þeim leið svolítið veiklulega en eru í góðu lagi núna.“

Síðasta tilraun til að komast á toppinn tókst ekki en þá þurfti John Snorri að snúa við vegna veðurs sem olli því að teymið tapaði hluta af búnaði sínum.

Fjallamennska Pakistan Íslendingar erlendis John Snorri á K2

Tengdar fréttir

Ber sig vel þrátt fyrir að hafa fengið grjót í höfuðið og frostbit á fingur

Fjallagarpurinn John Snorri Sigurjónsson og föruneyti hans hyggst leggja af stað á toppinn á K2 að morgni föstudags að staðartíma í Pakistan. Síðasta tilraun til að komast á toppinn tókst ekki en þá þurfti John Snorri að snúa við vegna veðurs sem olli því að teymið tapaði hluta af búnaði sínum.

3. febrúar 2021 17:30

John Snorri þurfti að snúa við en ætlar seinna á toppinn

Fjallagarpurinn John Snorri Sigurjónsson og föruneyti hans, sem hélt af stað á topp K2 á laugardaginn, neyddust til að snúa við vegna veðurs og tókst ekki að ljúka för sinni á toppinn. Teymið er komið aftur í grunnbúðirnar og eru allir heilir á húfi.

25. janúar 2021 17:59

John Snorri leggur af stað á toppinn

Fjallgöngugarpurinn John Snorri Sigurjónsson er að leggja af stað á K2 í dag og er stefnan sett á toppinn. John Snorri greinir frá því á Facebook í dag að hann stefni á að leggja af stað klukkan níu að kvöldi að staðartíma í Pakistan, eða núna klukkan fjögur að íslenskum tíma.

23. janúar 2021 16:15

Mest lesið

Fleiri fréttir