Innlent

Tveir handteknir vegna líkamsárása í nótt

Sunna Kristín Hilmarsdóttir skrifar
Hinir grunuðu gistu fangaklefa.
Hinir grunuðu gistu fangaklefa. Vísir/Vilhelm

Lögreglunni á höfuðborgarsvæðinu bárust tvær tilkynningar um líkamsárásir í nótt. Annars vegar var tilkynnt um líkamsárás klukkan 00:39. Segir í dagbók lögreglu að um minniháttar hafi verið að ræða. Einn maður var handtekinn vegna málsins og gistir hann fangageymslu.

Hins vegar barst tilkynning um klukkutíma síðar um aðra líkamsárás. Í því tilfelli voru áverkar einnig minniháttar og var einn maður handtekinn og færður í fangageymslu.

Þá var tilkynnt um þjófnað úr verslun í miðbænum um kvöldmatarleytið. Var málið afgreitt á vettvangi. Um svipað leyti var tilkynnt um innbrot, þjófnað og nytjastuld á bifreiðinni VN786 sem er ljósgrá Mercedes Bens bifreið að því er fram kemur í dagbók lögreglu.

Lögreglumál

Mest lesið


Fleiri fréttir

Sjá meira


×

Mest lesið