Innlent

Fleiri jarðskjálftar á síðustu tveimur vikum en allt árið 2020

Sunna Kristín Hilmarsdóttir skrifar
Myndin sýnir skjálftana sem mælst hafa á Reykjanesskaganum síðustu tvær vikur en ekki er þó búið að yfirfara nákvæma staðsetningu þeirra allra.
Myndin sýnir skjálftana sem mælst hafa á Reykjanesskaganum síðustu tvær vikur en ekki er þó búið að yfirfara nákvæma staðsetningu þeirra allra. Veðurstofa Íslands

Meira en 34 þúsund jarðskjálftar hafa mælst á Reykjanesskaganum á síðustu tveimur vikum eða allt frá því að skjálftahrinan sem ekkert lát virðist vera á hófst á svæðinu.

Það eru fleiri skjálftar en mældust á svæðinu allt síðasta ár að því er fram kemur í færslu á Facebook-síðu Veðurstofu Íslands. Árið 2020 einkenndist þó af mikilli skjálftavirkni á Reykjanesskaga.

„Til samanburðar mældust um 3.400 skjálftar árið 2019 á Reykjanesskaganum og ef horft er aftur til áranna 2019-2014 er fjöldi skjálfta á bilinu 1.000-3.000 á ári.

Við viljum reyndar taka fram að ekki er búið að fara yfir staðsetningar allra skjálftanna á þessari annars nokkuð listhneigðu mynd,“ segir í færslunni sem sjá má hér fyrir neðan.

Í dag fór heildarfjöldi skjálfta yfir 34.000 í þeirri hrinu sem hófst á Reykjanesskaga fyrir um tveimur vikum. Þetta eru...

Posted by Veðurstofa Íslands on Wednesday, March 10, 2021

Í nótt varð stór skjálfti 5,1 að stærð við Fagradalsfjall og í morgun varð svo skjálfti að stærð 4,6. Báðir fundust skjálftarnir vel á höfuðborgarsvæðinu og Reykjanesi og fékk Veðurstofan tilkynningar í nótt um að sá fyrr hefði fundist allt austur í Fljótshlíð og vestur í Búðardal.

Eldgos og jarðhræringar Jarðhræringar á Reykjanesi

Mest lesið


Fleiri fréttir

Sjá meira


×

Mest lesið