Kvöldfréttir Stöðvar 2

Í kvöldfréttum Stöðvar 2 heyrum við í ferðaþjónustunni sem fagnar að geta boðið ferðamönnum frá t.d. Bandaríkjunum, Bretlandi og Asíu til landsins í sumar. Íslandsstofa er nú þegar farin af stað með öfluga markaðsherferð.

Á Alþingi var fjallað um um áhrif kórónuveirufaraldursins á fjölda atvinnulausra og aðgerðir vegna þeirra. Heimir Már fjallar um það helsta frá Alþingi í dag.

Í fréttatímanum höldum við áfram að fjalla um jarðhræringar á Reykjanesinu og fáum að vita allt um kvikuhreyfingar á mannamáli.

Tekin verður staðan á bóluefni AstraZenica en fjölmörg Evrópulönd hafa stöðvað notkun þess og við hittum eldhressan sundgarp á Selfossi á níræðisaldri.

Þetta og margt fleira í fjölbreyttum fréttatíma á samtengdum rásum Stöðvar 2 og Bylgjunnar kl. 18:30

Kvöldfréttirnar eru nú í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.