Skiptir út sex ráð­herrum í ríkis­stjórninni

Utanríkisráðherrann Ernesto Araujo tilkynnti um afsögn sína í gær og hefur forsetinn skipað hægriöfgamanninn Carlos Alberto Franco Franca til að taka við embættinu.

Araujo, sem hefur verið náinn bandamaður Bolsonaros hefur verið harðlega gagnrýndur síðustu vikurnar og hann verið sakaður um að hafa mistekist að tryggja Brasilíumönnum nægt bóluefni gegn kórónuveirunni.

Bolsonaro tilkynnti sömuleiðis um nýja menn til að stýra meðal annars ráðuneytum varnarmála og dómsmála. Um er að ræða mestu einstöku breytinguna í ríkisstjórn Bolsonaros frá því að hann tók við embætti forseta í ársbyrjun 2019.

Heilbrigðiskerfið flestum stærstu borgum Brasilíu er nú að hruni komið vegna fjölda sjúklinga með Covid-19, en rúmlega tólf milljónir manna hafa greinst með veiruna í landinu frá upphafi faraldursins. Þá hafa um 315 þúsund dauðsföll verið rakin til Covid-19 í Brasilíu.