Samningar lausir og framhaldið velti á umbótum hjá KSÍ

Mbl greindi fyrst frá málinu í dag. Icelandair hefur til margra ára verið einn helsti aðalbakhjarl og samstarfsaðili KSÍ. Félagið segir í skriflegu svari til fréttastofu að það taki stöðuna innan KSÍ mjög alvarlega. 

„Það er okkur mikilvægt að gildi þeirra aðila sem við erum í samstarfi við samræmist gildum Icelandair, m.a. að viðkomandi búi yfir menningu sem stuðlar að jafnrétti og virðingu. Við höfum átt farsælt samstarf við KSÍ til fjölda ára en nú eru samningar lausir,“ segir í svari Icelandair.

„Við leggjum áherslu á að sambandið sýni á næstunni fram á áætlun um hvernig verði unnið markvisst að umbótum áður en ákvörðun verður tekin um áframhaldandi samstarf.“