Fótbolti

Napoli með fullt hús stiga eftir stór­sigur

Runólfur Trausti Þórhallsson skrifar
Napoli er komið á topp Serie A.
Napoli er komið á topp Serie A. EPA-EFE/GABRIELE MENIS

Napoli vann 4-0 sigur á Udinese í Serie A, ítösku úrvalsdeildinni í fótbolta, í kvöld. Liðið er því með fullt hús stiga á toppi deildarinnar þegar fjórar umferðir eru búnar.

Leikur kvöldsins var einkar þægilegur fyrir heimamenn í Napoli. Victor Osimhen kom Napoli yfir um miðbik fyrri hálfleiks. Rétt rúmum tíu mínútum síðar tvöfaldaði Amir Rrahmani forystuna og staðan því 2-0 er flautað var til hálfleiks.

Miðvörðurinn Kalidou Koulibaly skoraði þriðja mark leiksins á 52. mínútu og staðan því 3-0 þangað til Hirving Lozano setti kremið á kökuna með fjórða marki Napoli þegar sex mínútur lifðu leiks.

Lokatölur 4-0 og Napoli fór þar með upp fyrir Mílanó-liðin tvö á toppi töflunnar.

Fótbolti Ítalski boltinn

Mest lesið


Fleiri fréttir

Sjá meira


×

Mest lesið