Innlent

Bein út­sending: Mál­þing um af­leiðingar inn­rásarinnar í Úkraínu á þjóðar­rétt

Hallgerður Kolbrún E. Jónsdóttir skrifar
Málþingið fer fram í Veröld, stofnun Vigdísar Finnbogadóttur, og verður í beinu streymi hér á Vísi. 
Málþingið fer fram í Veröld, stofnun Vigdísar Finnbogadóttur, og verður í beinu streymi hér á Vísi.  Vísir/Vilhelm

Orator, félag laganema við Háskóla Íslands, og ELSA á Íslandi, Íslandsdeild samtaka evrópskra laganema, standa fyrir málþingi í dag, föstudaginn 4. mars, sem verður streymt í beinni útsendingu frá Háskóla Íslands

Málþingið hefst klukkan 14 og stendur yfir í klukkustund en það er haldið í samstarfi við ELSA í Úkraínu. Á málþinginu verður fjallað um hugsanlegar afleiðingar að þjóðarétti vegna innrásarinnar í Úkraínu, með hliðsjón af aðkomu alþjóðastofnana, s.s. ICC, ICJ, NATO og UN.

Frummælendur á málþinginu eru: Olha Butkevych prófessor í alþjóðlegum allherjarrétti við Taras Shevchenko háskólann í Kyiv, Pétur Dam Leifsson dósent við lagadeild HÍ og Njáll Trausti Friðbertsson formaður Íslandsnefndar NATO.

Fundarstjórar á málþinginu verða Laufey Sara Malmquist, funda og menningarmálastjóri Orators og Bjarki Fjalar Guðjónsson, forseti ELSA á Íslandi. Að framsögum loknum taka þátttakendur í pallborðinu við spurningum úr sal.

Málþingið er opið öllum en því verður einnig streymt, þar á meðal hér á Vísi. 

Innrás Rússa í Úkraínu

Mest lesið


Fleiri fréttir

Sjá meira


×

Mest lesið