Burnley heldur sér á lífi í ensku úrvalsdeildinni

Connor Roberts kom heimamönnum í Burnley yfir strax á 12. mínútu með góðu skoti eftir stoðsendingu frá Josh Brownhill.

Það var svo Nathan Collins sem sá til þess að staðan var 2-0 þegar flautað var til hálfleiks þegar hann skallaði hornspyrnu Josh Brownhill í netið á 44. mínútu.

Ekkert var skorað í síðari hálfleik og niðurstaðan varð því mikilvægur 2-0 sigur heimamanna í Burnley. Liðið er nú með 28 stig í 18. sæti þegar sex leikir eru eftir, aðeins einu stigi á eftir Everton sem situr í seinasta örugga sæti deildarinnar. Everton á þó einn leik til góða.