Pogba fer frá United

Pogba var á mála hjá United á árunum 2009-12 og lék sjö leiki með aðalliði félagsins. Hann fór á frjálsri sölu til Juventus 2012 og lék með liðinu í fjögur ár, eða þar til United keypti hann fyrir metverð.

Pogba lék 226 leiki fyrir United á seinna skeiði sínu hjá félaginu og skoraði 39 mörk. Á síðasta tímabili lék Frakkinn aðeins 27 leiki í öllum keppnum og skoraði eitt mark. Hann lék síðast fyrir United í 0-4 tapinu fyrir Liverpool 19. apríl.

Franski landsliðsmaðurinn vann deildabikarinn og Evrópudeildina með United á fyrsta tímabili sínu hjá félaginu. Síðan hefur United ekki unnið titil.

Pogba hefur aðallega verið orðaður við sitt gamla félag, Juventus. Hann ætlar að tilkynna næsta áfangastað sinn á ferlinum í heimildamynd sem kemur út um miðjan mánuðinn.