Stórstjarnan lék sér með strákum á ströndinni

Erlendir miðlar komust yfir myndband af þessum 21 árs gamla framherja vera að leika sér í fótbolta með ungum strákum á ströndinni á Marbella á suður Spáni.

Haaland sést þar halda boltanum á lofti í flæðarmálinu og þessir ungu piltar höðfu örugglega flotta sögu að segja þegar þeir snéru til sín heima.

Norska markavélin yfirgaf Borussia Dortmund í vor eftir tvö mögnuð tímabil þar sem hann skoraði 86 mörk í aðeins 89 leikjum í öllum keppnum.

Englandsmeistarar Manchester City eru til alls líklegir með Haaland innanborðs. Hann hefur skorað alls staðar þar sem hann hefur komið og ætti að geta fengið frábæra þjónustu frá miðju- og kantmönnum Manchester City.