Körfubolti

Serbar óvænt úr leik á EM

Arnar Geir Halldórsson skrifar
Óvænt úrslit.
Óvænt úrslit. vísir/Getty

Ítalir gerðu sér lítið fyrir og skelltu firnasterku liði Serba í 16-liða úrslitum EM í körfubolta.

Liðin áttust við í Berlín í dag og reiknuðu flestir með sigri Serba enda var það svo að þeir höfðu frumkvæðið framan af leik og leiddu í leikhléi.

Í þriðja leikhluta fundu Ítalir hins vegar annan gír og tóku leikinn hreinlega yfir. Fór að lokum svo að Ítalía vann nokkuð öruggan átta stiga sigur, 86-94 og munu mæta Frökkum í 8-liða úrslitum keppninnar.

Nikola Jokic var venju samkvæmt atkvæðamestur Serba með 32 stig en Marco Spissu skoraði mest Ítala eða 22 stig.

Körfubolti EuroBasket 2022

Mest lesið


Fleiri fréttir

Sjá meira


×

Mest lesið