Bílar

Myndbönd: Gamlar Suzuki auglýsingar með Michael Jackson

Kristinn Ásgeir Gylfason skrifar
Micheal Jackson í auglýsingu fyrir vespuna Suzuki Love. Blaðamanni er því miður ekki kunnugt um hver konan í auglýsingunni er.
Micheal Jackson í auglýsingu fyrir vespuna Suzuki Love. Blaðamanni er því miður ekki kunnugt um hver konan í auglýsingunni er.

Í gegnum tíðina hafa japanskir bílaframleiðendur gjarnan notað amerískar stjörnur til að auglýsa vörur sínar. Yfirleitt eru stjörnurnar fengnar til að auglýsa bíla sem ekki koma á markað á Vesturlöndum. Dæmi um slíkar stjörnur eru Eddie Murphy, Bruce Willis, Leonardo DiCapro og Meg Ryan. Sennilega stærsta stjarnan var þó Michael Jackson sem auglýsti Suzuki vespuna Love.

Á níunda áratugnum, þegar Jackson var á hátindi frægðarinnar var hann duglegur að nýta sér viðskiptatækifæri sem á borð hans komu. Pepsi, Sony og L.A. Gear voru öll í samstarfi við Jackson, auk auðvitað Suzuki, eðlilega.

Suzuki vildi með auglýsingunum ná fleiri konum í viðskipti með Love, lítilli, 50cc, fjórgengis vespu. Sambandið við Jackson náði hápunkti með auglýsingum bæði í sjónvarpi og á prenti. Þetta var ansi stórt fyrir Suzuki enda var Jackson afar vinsæll í Japan. Honum virðist hafa verið upplagt að reyna að heilla mögulega kvenkyns viðskiptavini Suzuki með því að blikka í auglýsingunum.

Bílar Auglýsinga- og markaðsmál Einu sinni var...

Mest lesið




×

Mest lesið