Innlent

Einn fluttur á sjúkrahús vegna potts á hellu

Samúel Karl Ólason skrifar
Fljótt kom þó í ljós að þarna var um að ræða pott sem hafði líklega gleymst á hellu en mikinn reyk bar frá honum.
Fljótt kom þó í ljós að þarna var um að ræða pott sem hafði líklega gleymst á hellu en mikinn reyk bar frá honum. Vísir/Vilhelm

Slökkviliðinu á höfuðborgarsvæðinu barst á þriðja tímanum í dag tilkynning um reyk frá íbúð í Garðabæ. Tilkynningunni fylgdi að minnst einn var inn í íbúðinni og var slökkvilið frá fjórum stöðvum sent í útkallið.

Fljótt kom þó í ljós að þarna var um að ræða pott sem hafði líklega gleymst á hellu en mikinn reyk bar frá honum. Dregið var úr umfangi útkallsins.

Maðurinn sem var í íbúðinni komst þaðan af sjálfsdáðum en hann var fluttur á sjúkrahús til aðhlynningar.

Slökkviliðsmenn reykræstu svo íbúðina.

Garðabær Slökkvilið

Mest lesið


Fleiri fréttir

Sjá meira


×

Mest lesið