Sigvaldi nýr fjármálastjóri DecideAct á Íslandi

Fyrir starfaði Sigvaldi hjá Hafrannsóknastofnun þar sem hann starfaði sem fjármála- og rekstrarstjóri. Fyrir það var hann fjármálastjóri hjá verkfræði- og náttúruvísindasviði Háskóla Íslands. Hann er með meistaragráðu í reikningsskilum og endurskoðun frá Háskóla Íslands. 

„Það er mikill fengur að fá Sigvalda í lið með okkur. Auk þess að styrkja innviði og fjármálastjórn DecideAct bæði á Íslandi og alþjóðlega, kemur Sigvaldi inn í hópinn með þekkingu og reynslu sem snýr að hinum mælanlega hluta stefnuframvindunnar,“ er haft eftir Bjarna Snæbirni Jónssyni, forstjóra DecideAct á Íslandi, í tilkynningu.