Nike slítur samstarfinu vegna hegðunar Irving

Íþróttavöruframleiðandinn hafði upprunalega gert hlé á samningi sínum við Irving, sem baðst síðar afsökunar á hegðun sinni. Hann var dæmdur í átta leikja bann af NBA-deildinni vegna auglýsingar sinnar.

Kyrie fór yfir strikið, það er ekki flóknara en það, lét Phil Knight, stofnandi Nike, hafa eftir sér.

Hann hefur látið hafa eftir sér hluti sem við líðum ekki og það er ástæða þess að við bundum enda á samstarfið,

Irving hefur verið í samstarfi við Nike í átta ár og hefur verið með samning upp á 11 milljónir bandaríkjadala árlega frá 2019.

Hann átti fundi með Adam Silvar, yfirmanni NBA-deildarinnar, og háttsettum aðilum úr gyðingasamfélagi New York-borgar á meðan banni hans stóð. Hann hefur þá ásamt félagi sínu, Brooklyn Nets, heitið einni milljón dala til baráttu gegn hatri og ofstæki.