Hádegisfréttir Bylgjunnar

Áætlanir gera ráð fyrir að svipaður fjöldi flóttamanna komi til landsins í ár og í fyrra, eða allt að fimm þúsund manns.

Þá förum við yfir stöðuna í deilu Eflingar og Samtaka atvinnulífsins og heyrum í Ríkissáttasemjara. 

Einnig ræðum við græna orku en þótt nánast öll orka sem framleidd er á Íslandi teljist græn endurnýjanleg orka er hún það ekki á pappírunum. Aðeins 13 prósent raforku eru rakin til endurnýjanlegra orkugjafa en 63 prósent til kola og olíu og 24 prósent til kjarnorku.

Að lokum fjöllum við um viðsnúning í ferðaþjónustunni á síðasta ári sem var hraðari en ferðamálastofa bjóst við.