„Get eiginlega ekki beðið“

„Það var mjög mikilvægt að fá þessa leiki við Þjóðverjana um helgina og við gátum mælt okkur við þá og sáum hvar við stöndum. Við gátum rúllað á liðinu og margir fengu tækifæri og við náðum að fínpússa nokkra hluti.“

Hann segir að það hafi verið mikilvægt að spila fyrir framan svona marga áhorfendur í Þýskalandi til að koma sér í gírinn fyrir leikina á HM.

„Við áttum ábyggilega svona 0,2 prósent af áhorfendum á staðnum af þeim tíu þúsund sem voru í höllinni. Það var geggjað að fá smá mótlæti. Þau svör sem við fengum gegn Þjóðverjum voru að við erum mjög góðir í sókn og þurfum að fínpússa varnarleikinn aðeins. Þá erum við bara drullu solid.“