Handbolti

Björgvin Páll tæpur í bakinu

Henry Birgir Gunnarsson skrifar
Björgvin Páll nær vonandi að jafna sig í bakinu.
Björgvin Páll nær vonandi að jafna sig í bakinu. vísir/vilhelm

Ástæðan fyrir því að Ágúst Eli Björgvinsson er mættur til Gautaborgar er sú að Björgvin Páll Gústavsson er tæpur.

„Björgvin er stífur í bakinu þannig að við vitum ekki alveg hvernig framhaldið verður,“ sagði Guðmundur Guðmundsson landsliðsþjálfari fyrir æfingu strákanna okkar sem nú stendur yfir í Scandinavium.

„Við vildum hafa vaðið fyrir neðan okkur og kalla á Ágúst ef til kemur að Björgvin geti ekki spilað. Við verðum að bíða og sjá hverju fram vindur.“

Ágúst Elí tók fyrstu vél yfir er þetta mál kom upp og mætti ferskur á æfinguna. 

Leikur Íslands og Svíþjóðar er klukkan 19.30 annað kvöld og verður í beinni textalýsingu á Vísi.

Landslið karla í handbolta HM 2023 í handbolta

Mest lesið


Fleiri fréttir

Sjá meira


×

Mest lesið