Handbolti

Strákarnir okkar fá fullan stuðning

Sindri Sverrisson skrifar
Íslenska landsliðið þakkaði vel fyrir stuðninginn á HM í Svíþjóð en þangað flykktust Íslendingar í janúar.
Íslenska landsliðið þakkaði vel fyrir stuðninginn á HM í Svíþjóð en þangað flykktust Íslendingar í janúar. VÍSIR/VILHELM

Uppselt er á landsleik Íslands og Tékklands í undankeppni EM karla í handbolta sem fram fer í Laugardalshöll á sunnudaginn klukkan 16.

Þetta kemur fram á heimasíðu HSÍ þar sem segir að síðustu miðarnir á leikinn hafi selst í gærkvöld, sem sagt um það leyti sem Ísland galt afhroð gegn Tékklandi ytra, 22-17.

Leikurinn á sunnudag hefur mikla þýðingu þrátt fyrir að nánast öruggt sé að bæði Ísland og Tékkland komist á Evrópumótið, sem fram fer í Þýskalandi í janúar.

Íslenskir áhorfendur fjölmenntu til Svíþjóðar í janúar á HM og ætla að styðja vel við bakið á strákunum á sunnudag.VÍSIR/VILHELM

Tékkland og Ísland eru í efstu tveimur sætum síns undanriðils en hin tvö liðin í riðlinum eru Ísrael og Eistland sem bæði Tékkar og Íslendingar unnu af miklu öryggi fyrr í vetur.

Ísland þarf sex marka sigur gegn Tékklandi á sunnudag til að geta tryggt sér efsta sætið í undanriðlinum en það myndi jafnframt skila Íslendingum sæti í efsta styrkleikaflokki fyrir dráttinn í riðla á EM. Þar með gæti Ísland sloppið við öll bestu lið Evrópu í riðlakeppninni.

EM 2024 í handbolta Landslið karla í handbolta

Mest lesið


Fleiri fréttir

Sjá meira


×

Mest lesið