Michael K. Williams lést í september árið 2021, 54 ára gamall, en hann er hvað þekktastur fyrir hlutverk sitt í sjónvarpsþáttunum The Wire. Hafði hann þá glímt við fíkniefnavanda um einhvern tíma.
Hann hafði keypt það sem hann hélt að væri heróín af Cartagena á götum New York-borgar skömmu áður. Williams vissi þó ekki að í heróíninu mátti einnig finna mun sterkara efni, fentanýl.
Cartagena játaði að hafa selt honum eiturlyfin og þannig valdið dauða Williams. Fyrir glæpinn er hægt að dæma fólk að minnsta kosti í fimm ára fangelsi en í mesta lagi fjörutíu ára. Dómari hefur ekki ákveðið hversu lengi Cartagena mun þurfa að sitja inni.
