Erlent

Bam Margera gaf sig fram

Magnús Jochum Pálsson skrifar
Bam Margera gaf sig fram eftir að hafa verið eftirlýstur síðan á mánudag.
Bam Margera gaf sig fram eftir að hafa verið eftirlýstur síðan á mánudag. Getty/Gilbert Carrasquillo

Jackass-stjarnan Bam Margera gaf sig fram við lögreglu í Pennsylvaníu í morgun eftir að hafa verið eftirlýstur í fjóra daga fyrir að kýla bróður sinn. Margera var látinn laus úr varðhaldi gegn 50 þúsund dala tryggingu en má ekki eiga í samskiptum við föður sinn og bróður eða koma nálægt heimili sínu

Á mánudagsmorgun voru lögreglumenn í Pennsylvaníu kallaðir til vegna heimiliserja á heimili Margera-fjölskyldunnar í Chester-sýslu. Eftir rannsókn lögreglu kom í ljós að Bam Margera og bróðir hans, Jess Margera, höfðu átt í rifrildi sem endaði með handalögmálum.

Hins vegar flúði Bam af vettvangi inn í nálægan skóg áður en lögreglan kom á staðinn og lýsti lögregla eftir honum í kjölfarið. Hann hefur nú gefið sig fram og að sögn lögfræðings hans, Michael van der Veen, var Bam dreginn fyrir dómara þar sem hann lýsti yfir sakleysi sínu.

Þá sagði van der Veen að „orðrómar um hegðun [Bam Margera] í vikunni væru algjörlega ósannir.“ Jafnframt væri hann við góða heilsu og léttur í lund.

Samkvæmt dómsskýrslum var Margera látin laus úr varðhaldi gegn 50 þúsund Bandaríkjadölum. Skilyrðin fyrir því að hann yrði látinn laus voru að hann megi ekki eiga í samskiptum við föður sinn, bróður og tvo aðra einstaklinga sem voru í húsinu þegar atvikið átti sér stað og hann megi ekki heldur koma nærri húsinu.

Bandaríkin Hollywood

Tengdar fréttir

Eftirlýstur Bam Margera flúði af vettvangi

Lögreglan í Pennsylvaníu hefur lýst eftir Bam Margera, Íslandsvini og Jackass-stjörnu, í kjölfar þess að hann réðist á mann fyrr í dag. Talið er að fórnarlambið sé bróðir Margera. Handtökuskipun hefur verið gefin út á hendur Margera sem flúði af vettvangi eftir árásina.

Mest lesið


Fleiri fréttir

Sjá meira


×

Mest lesið