Innlent

Tveir fluttir á slysa­deild eftir eld á Höfða­bakka

Bjarki Sigurðsson skrifar
Eldurinn kviknaði út frá rafmagnshlaupahjóli sem var í hleðslu.
Eldurinn kviknaði út frá rafmagnshlaupahjóli sem var í hleðslu. Slökkviliðið á höfuðborgarsvæðinu

Eldur kviknaði í herbergi á Höfðabakka rétt eftir miðnætti í nótt vegna rafmagnshlaupahjóls sem var í hleðslu. Náðu allir að koma sér úr byggingunni en tveir voru fluttir á slysadeild til frekar skoðunar. 

Þetta kemur fram í færslu á Facebook-síðu slökkviliðsins á höfuðborgarsvæðinu. Þar segir að dælubílar þeirra hafi farið í alls sex verkefni síðasta sólarhringinn, meðal annars vegna bruna í Egilshöll sem fjallað var um hér á Vísi í gærkvöldi, og vegna skúrs sem brann í Skammadal. 

Sjúkrabílar embættisins fóru í 129 útköll síðasta sólarhring en í færslunni segir að þónokkur erill hafi verið í miðbænum.

Hér fyrir neðan má sjá myndband af slökkvibílum fyrir utan Höfðabakka í nótt.

Klippa: Slökkviliðið við Höfðabakka
Reykjavík Slökkvilið

Tengdar fréttir

Mest lesið


Fleiri fréttir

Sjá meira


×

Mest lesið