Norrænir ráðherrar og Trudeau mættir til Eyja

Justin Trudeau forsætisráðherra Kanada er sérstakur gestur fundarins að þessu sinni. 

Í tilkynningu frá forsætisráðuneytinu segir að ráðherrarnir hafi strax hist á fundi í Ráðhúsi Vestamannaeyja í gærkvöldi til þess að ræða stöðuna í Rússlandi í ljósi nýjustu vendinga þar.

Fyrr um kvöldið hafði Katrín Jakobsdóttir forsætisráðherra fundað með Trudeau þar sem þau ræddu meðal annars um samstarf þjóðanna á sviði stjórnmála, menningar og viðskipta. Fleiri málefni voru til umræðu eins og málefni innflytjenda og flóttafólks, umhverfismál og græn orka, að því er segir í tilkynningunni.

Þar áður hafði Katrín einnig fundað sérstaklega með Petteri Orpo forsætisráðherra Finna sem tók við embætti á þriðjudaginn í síðustu viku og því er heimsóknin til Eyja sú fyrsta sem hann fer til erlends ríkis sem forsætisráðherra.