Einar ráðinn til Píeta

Einnig hefur Einar starfað sem stundakennari í markaðssetningu og kynningarmálum við Háskólann á Bifröst. Hann útsktrifaðist með B.S. í viðskiptafræðum frá Háskóla Íslands og er auk þess með gráðu í hljóðtækni frá SAE í Amsterdam. 

Einar er meðlimur í hljómsveitunum Vök og Hatara. Fram kemur í tilkynningu um ráðninguna að hann hafi víðtæka reynslu af markaðssetningu ásamt því að vera vel kunnugur tónlistarmenningu hér á landi og erlendis.

Haustið 2019 fékk hann viðurkenningu frá JCI Ísland fyrir framlag sitt til menningarstarfsemi sem einn af „framúrskarandi ungum Íslendingum“.

Kristín Ólafsdóttir, framkvæmdastjóri Píeta samtakanna, segir ráðninguna styrkja teymið verulega. Starf samtakanna hafi vaxið jafnt og þétt síðan þau voru stofnuð árið 2018. Nú sé starfið orðið mun víðtækara.

„Bakgrunnur og reynsla Einars Hrafns nýtist án vafa vel í þeim verkefnum sem við sinnum og við að ná markmiðum okkar. Og síðast en ekki síst slær hjarta Einars Hrafns í takt við Píeta hjartað,“ er haft eftir Kristínu í tilkynningunni.