„Bíl­stjórarnir sjálfir orðið fyrir tekju­missi“

„Þessi niður­staða styrkir það sem við trúum á og sýnir að við höfum túlkað lög­gjöfina rétt frá upp­hafi,“ segir Sæunn Ósk Unn­steind­óttir, fram­kvæmda­stjóri Hopp Leigu­bíla, í sam­tali við Vísi. Hún segir ljóst að nýrri lög­gjöf hafi verið ætlað að auka á ný­sköpun og þróun á leigu­bíla­markaði hér­lendis.

Haraldur Axel Gunnars­son, fram­kvæmda­stjóri Hreyfils, segir í skrif­legu svari til Vísis að hann muni ekki tjá sig um málið að svo stöddu. Hann hyggst fara yfir úr­skurð Sam­keppnis­eftir­litsins með stjórn Hreyfils og lög­mönnum fyrir­tækisins.

Segist engan veginn anna eftir­spurn

Sæunn segir að Hopp appið, þar sem hægt hefur verið að panta sér leigu­bíla í rúman mánuð, sé far­veita en ekki leigu­bíla­stöð. Hún megi vera starfandi og ekkert í nýjum lögum sem bindi leigu­bíl­stjóra við eitt fyrir­tæki.

„Þau voru sett fram til að auka tekjur og auka mögu­leika leigu­bíl­stjóra. Við erum ekki að gera neitt annað en það. Við erum að bjóða upp á tækni sem á að gera þessa þjónustu enn betri. Því að þetta er al­mennings­þjónusta sem skiptir okkur öll máli og er gríðar­lega mikil­væg.“

Sæunn segir ljóst að Hopp Leigu­bílar hafi orðið fyrir tekju­missi vegna á­kvörðunar Hreyfils. „Ekki bara það heldur hafa bíl­stjórarnir sjálfir orðið fyrir tekju­missi. Við erum engan veginn að anna eftir­spurn, okkur vantar fleiri bíl­stjóra,“ segir Sæunn.

„Það er bara gríðar­legt ó­jafn­vægi á þessum markaði og við því miður náum ekki að koma markaðnum á jafn­vægi á einni nóttu. En það tekur okkur enn lengri tíma þegar markaðurinn sjálfur hamlar þróun og ný­sköpun. Það er ekkert annað en það.“