Skila­boðin séu ekki: „Verið nú góð við túr­istana!“

Jóhannes Þór ræddi á­takið í Reykja­vík Síð­degis á Bylgjunni. Verk­efninu „Góðir gest­gjafar“ var ýtt úr vör síðustu helgi af yfir­völdum og Sam­tökum ferða­þjónustunnar. Vefur á vegum verk­efnisins var um leið opnaður og fólk hvatt til að búa til póst­kort á vefnum til að deila skrifum um já­kvæð á­hrif ferða­þjónustunnar á þau sjálf og sam­fé­lagið í heild.

„Lykillinn hér er  sá að það er ekki verið að segja við Ís­lendinga: „Verið nú góð við túr­istana!“ Það er ekki það sem þetta gengur út á. Það sem þetta gengur út á er að segja: Heyrðu við erum ó­trú­lega gest­risin, höldum því á­fram því að fyrir það fáum við ýmis ó­trú­leg gæði sem sam­fé­lagið nýtur góðs af.“

Jóhannes segist skilja það vel að á­kveðna þreytu sé farið að gæta meðal lands­manna vegna mikils fjölda ferða­manna og nefnir um­ræðuna um skemmti­ferða­skip og mengun af völdum þeirra. Al­mennt séð séu Ís­lendingar hins vegar ó­trú­lega já­kvæðir gagn­vart ferða­þjónustu.

„Það er ekki bara hlut­verk gest­gjafans að taka á móti eins mörgum og við getum til að fá eins mikið af peningum og við getum. Hlut­verkið er ekki síður að passa upp á það að upp­lifun gestsins sem kemur eftir 2 eða 3 eða 10 ár sé jafn góð eða helst betri og þess sem kom í gær,“ segir Jóhannes.