Hollywood-stjörnurnar sáu Messi leggja upp tvö gegn meisturunum

Stjörnurnar urðu ekki fyrir vonbrigðum því Messi lagði upp tvö mörk í 1-3 sigri Inter Miami.

Leikararnir Leonardo DiCaprio, Edward Norton, Will Ferrell, Tom Holland, Toby Maguire, Owen Wilson og Gerard Butler mættu á leikinn ásamt Harry fyrrverandi Bretaprins og tónlistarfólkinu Selenu Gomez, Liam Gallagher og Nas.

Messi lagði upp seinni tvö mörk Inter Miami fyrir Jordi Alba og Leonardo Campana. Facundo Farias var einnig á skotskónum fyrir gestina frá Miami. Ryan Hollingshead klóraði í bakkann fyrir heimamenn sem urðu meistarar á síðasta tímabili. 

Síðan Messi þreytti frumraun sína með Inter Miami 22. júlí er liðið taplaust í ellefu leikjum og vann bandaríska deildabikarinn. Í leikjunum ellefu fyrir Inter Miami hefur Messi skorað ellefu mörk og lagt upp fimm.

Inter Miami, sem var á botni Austurdeildar MLS þegar Messi, er núna níu stigum frá sæti í úrslitakeppninni þegar níu umferðir eru eftir.