Rupert Murdoch sest í helgan stein

Lachlan Murdoch, sonur hans, mun taka við sem formaður stjórnanna, samkvæmt tilkynningu.

Auðjöfurinn hóf rekstur á fjölmiðlamarkaði á sjötta áratug síðust aldar en rekur nú dagblöð og sjónvarpsstöðvar víða um heim.

Murdoch keyptu kvikmyndaframleiðsluverið Twentieht Century Fox árið 1985 og ári síðar keypti hann nokkrar sjónvarpsstöðvar og stofnaði Fox Broadcasting. Sjónvarpsstöðina Fox News stofnaði hann árið 1996 en hún er nú vinsælasta fréttastöð Bandaríkjanna.

Auk þess að eiga Fox News, á hann einnig Times of London, Wall Street Journal, Sky News í Ástralíu og Sun, svo einhverjir miðlar séu nefndir.

Murdoch trúlofaði sig í upphafi árs en sleit trúlofuninni skyndilega nokkru síðar.

Sjá einnig: Murdoch kominn með nýja upp á arminn

Auk þess að vera vinsælasta fréttastöð Bandaríkjanna er Fox News einnig staður þar sem samsæriskenningum er haldið á lofti og lygum hefur verið dreift. Forsvarsmenn Fox samþykktu í apríl að greiða fyrirtækinu Dominion 787 milljónir Bandaríkjadala í skaðabætur vegna lyga um kosningavélar fyrirtækisins og forsetakosninganna 2020.

Það samsvarar meira en hundrað milljörðum króna.

Dominion hafði krafið Fox um 1,6 milljarð dala þar sem þáttastjórnendur sjónvarpsstöðvarinnar hafi vísvitandi haldið frammi ósannindum um búnað fyrirtækisins, sem var notaður í forsetakosningunum 2020.

Murdoch viðurkenndi það við vitnaleiðslur að á sjónvarpsstöðinni hefði verið ýtt undir lygar Donalds Trump, fyrrverandi forseta, um kosningarnar og viðurkenndi hann einnig að hafa ekki reynt að grípa inni.

Fréttastöðin stendur frammi fyrir fleiri lögsóknum þar sem þáttastjórnendur eru sakaðir um að segja lygar. Þá hafa hluthafar höfðað mál gegn fyrirtækinu og sakað forsvarsmenn þess um vanrækslu vegna skaðabótagreiðslna.

Í lögsóknum frá lífeyrissjóðum í New York og Ohio, segir að forsvarsmenn Fox hafi tekið undir samsæriskenningar og lygar um forsetakosningar 2020 af ótta við að missa áhorfendur til annarra sjónvarpsstöðva eins og Newsmax.