Reece James kærður fyrir ummæli í garð dómara

Enski bakvörðurinn spilaði sjálfur ekki í þessum leik vegna meiðsla en var staddur á vellinum og í samskiptum við liðið. 

Í yfirlýsingu FA segir: „Því er haldið fram að leikmaðurinn hafi notað óviðeigandi og/eða móðgandi og/eða særandi orð í garð dómara að leik loknum.“

Reece James hefur tvo daga, eða þangað til 29. september til að svara þessum ásökunum. 

Leikmaðurinn er uppalinn hjá Chelsea og var gerður að fyrirliða liðsins fyrir tímabil en hefur lítið spilað eftir að hafa meiðst á æfingu í síðasta mánuði. Chelsea hefur verið í alls kyns vandræðum og spilað langt undir getu það sem af er tímabils, með aðeins fimm stig eftir sex leiki. 

Þeir töpuðu fyrir Aston Villa um helgina 0-1 og lentu manni undir á 58. mínútu þegar afleysing Reece James, Malo Gusto, fékk rautt spjald. Upphaflega var litur spjaldsins gulur en eftir að athuga málið betur í VAR skjánum gaf dómarinn rautt. 

Ekki er vitað hvort Reece James hafi verið að tjá sig um það atvik nákvæmlega en ljóst er að hann var ekki sáttur með dómgæsluna í þessum leik.