„Hann vildi að ég spilaði ofar á vellinum“

Mikið hefur verið rætt um markvarðarstöðu Arsenal á tímabilinu þar sem að Aaron Ramsdale hafði varið mark Arsenal við góðan orðstír í dágóðan tíma en þegar aðeins nokkrir leikir voru búnir af þessu tímabili virtist Arteta vilja hafa David Raya í markinu.

„Ég man að hann hélt alltaf áfram að segja við mig að ég ætti að spila ofar og sýna meira hugrekki og því spilaði ég ofar á hverri æfingu og sýndi meira hugrekki en alltaf bað hann um meira og meira og meira,“ sagði David Raya.

„Mér finnst þetta frábært því hann var ekki aðeins að biðja mig um að gera þetta heldur leyfði hann mér einnig að tjá hvað mér sjálfum fannst um að spila svona. Þannig þegar öllu var á botninn hvolft þá gátum við fundið milliveg sem okkur báðum leið vel með og núna er það nákvæmlega hvernig við spilum,“ endaði Raya að segja.