Cloé Eyja með flottasta markið og það á móti Man. United

Cloé Eyja hafði komið inn á sem varamaður í stórleik Arsenal á móti Manchester United og tryggði liði sínu jafntefli með frábæru langskoti upp í bláhornið. Það voru aðeins nokkrar sekúndur eftir af leiknum þegar Cloé reif sig lausa og lét vaða.

Mary Earps, markvörður enska landsliðsins og besti markvörður ársins í ár og sá besti á HM, átti ekki möguleika á því að verja þetta frábæra skot hennar.

Markið sem Cloé skoraði var hennar fyrsta fyrir Arsenal en hún kom til félagsins í haust eftir að hafa raðað inn mörkum hjá Benfica í Portúgal.

Cloé spilaði í mörg ár með ÍBV í Vestmannaeyjum og fékk á endanum íslenskan ríkisborgararétt. Hún fékk ekki leyfi frá FIFA til að spila með íslenska landsliðinu en komst á endanum í kanadíska landsliðið eftir magnaða frammistöðu sína í portúgalska boltanum.

Það má sjá markið hennar hér fyrir neðan.