Innlent

Þriggja bíla á­rekstur við Vestur­lands­veg

Jón Þór Stefánsson skrifar
Áreksturinn átti sér stað skömmu fyrir eitt í dag.
Áreksturinn átti sér stað skömmu fyrir eitt í dag. Vísir/Bjarki

Árekstur varð í hádeginu á frárein frá Vesturlandsvegi upp Höfðabakka. Líklega átti áreksturinn sér stað skömmu fyrir eitt í dag.

Árni Friðleifsson, aðalvarðstjóri umferðardeildar lögreglu, segir að um sé að ræða þriggja bíla árekstur. Honum skilst að ekki hafi orðið alvarleg slys á fólki.

Þegar fréttastofa náði tali af Árna var málið nýkomið á borð lögreglu og þar af leiðandi var hann ekki með frekari upplýsingar um málið.

Lögreglan sé nú á staðnum og málið er í rannsókn.

Vísir hefur undir höndum myndar frá vettvangi slyssins. Þar sést að áreksturinn virðist hafa stíflað akreinina þar sem áreksturinn varð. Þá sjást nokkuð miklar skemmdir á einum bílnum.

Málið er til skoðunar þegar fréttin er skrifuð.Vísir/Bjarki
Umferð Samgönguslys Lögreglumál Reykjavík

Mest lesið


Fleiri fréttir

Sjá meira


×

Mest lesið