Innlent

Hellis­heiði lokað eftir tvö slys

Samúel Karl Ólason skrifar
Flughált er á Hellisheiði, mikill vindur og lélegt skyggni.
Flughált er á Hellisheiði, mikill vindur og lélegt skyggni. Vísir/Vilhelm

Veginum um Hellisheiði var lokað í dag vegna tveggja slysa. Slysin eru bæði sögð hafa orðið vegna slæms skyggnis og hálku. Engan sakaði alvarlega í slysunum og er vegurinn enn lokaður.

Bílvelta varð í slaufunni við Þrengslavegamótin en þar urðu engin meiðsl á fólki. Seinna varð svo aftanákeyrsla í skíðaskálabrekkunni, þar sem minniháttar meiðsl urðu.

Samkvæmt upplýsingum frá Brunavörnum Árnessýslu fóru einnig bílar út af veginum á Hellisheiði. Þar er flughált, mikill vindur og lítið skyggni.

Á vef Vegagerðarinnar má sjá að Hellisheiði er enn lokuð og ekki liggur fyrir hvenær vegurinn verður opnaður. Þrengslin eru þó opin.

Umferð Veður Færð á vegum

Tengdar fréttir

Erfitt að eyða jólunum fjarri fjölskyldunni en ekkert annað í boði

Háseti og kafari á varðskipinu Freyju segir stemninguna meðal átján áhafnarmeðlima  mjög góða, þrátt fyrir að nú sé ljóst að þeir muni eyða jólunum um borð í skipinu við Ísafjarðarhöfn. Gefin hefur verið út appelsínugul viðvörun fyrir morgundaginn auk þess sem miklar líkur eru taldar á snjóflóðum á svæðinu.

Appelsínugul viðvörun á Vestfjörðum

Veðurstofan hefur gefið út appelsínugula veðurviðvörun á Vestfjörðum sem tekur gildi klukkan fimm í fyrramálið. Víðtækar samgöngutruflanir eru taldar líklegar. 

Mest lesið


Fleiri fréttir

Sjá meira


×

Mest lesið