Skaði eða skaða­minnkun?

Þegar stórt er spurt getur verið flókið að finna svör, þá meina ég rétt svör byggð á margra ára reynslu ekki svörin sem henta þér best í það og það skiptið.

Þegar ég fylgist með umræðunni um Árna Tómas í hlaðvarpsþáttum Skaði á RÚV Umsjón: Pétur Magnússon, og mörgum greinum og fréttum um hans mál, þar sem hann er teiknaður upp sem Guð, verð ég svo reið, það eru svo margar rangfærslur og hrein og klára lygar, ráðist að virtum stofnunum og fólki sem löngu hafa sannað sig og vita hvað þau eru að gera

Í tveimur greinum sem birtust hér sagði ég ykkur frá syni mínum, 35 ára gömlum með langa fíkniefnasögu að baki

Úrræðaleysi burt

Er barnið þitt eða náinn aðstandandi að deyja vegna fálætis?

En já hann var hjá Árna Tómasi með fasta áskrift að dópinu sínu sem við niðurgreiðum því þetta er jú lyf, þetta eru hættuleg lyf og ekki ætluð til að sprauta í æð í skítugum bílastæðiskjallara, eins og þau gera, því hjá Árna Tómasi er ekki gerð nein krafa um að lyfið sé tekið eins og á að gera það, þær eru ætlaðar til inntöku um munn og leysast upp í maga á löngum tíma, því þetta eru sterk lyf.

Hann var orðin mjög veikur og illa haldin andlega og líkamlega, bjó á Gistiskýlin

Það má teljast heppni ef rétt er að engin af “sjúklingum” Árna Tómasar hefi látist.

Árni Tómas segist vera að veita “sjúklingum” sínum líkn eins og hann sé búinn að setja þau á lífslokameðferð og sé að líkna þeim með sterkum morfínlyfjum þangað til þau deyja......

En Árni Tómas og þið öll sem honum fylgið viljið þið hætta að tala niður gott fólk og viðurkenndar meðferðir!

Ummæli Árna um Ölmu Möller landlækni voru honum til minnkunar og ætti hann að skammast sín, hún er að vinna vinnuna sína samviskusamlega og á allt hrós og virðingu skilið frá okkur.

Valgerði Rúnarsdóttur er mögnuð kona sem veit sínu viti, hefur oft komið fram og reynt að leiðrétta allskonar misskilning og rangfærslur í sambandi við Árna og hans “meðferð” og hefur bara hlotið skítkast og rangindi frá áhangendum Árna.

SÁÁ er að gera sitt besta og gott betur en það með þá fjármuni sem ríkið skaffar þeim, mörg okkar reynum að styrkja starfið eftir bestu getu. Svo vinsamlega ekki vera að tala SÁÁ niður, en auðvitað eru ekki allir alltaf sáttir og engin er fullkominn.

Árni Tómas var ekki að lækna neinn, hann skrifaði uppá dóp fyrir fíkla sem við niðurgreiðum og kallar það líkn!

Það er ólöglegt því tók Alma leyfið hans til að skrifa út sterk lyf af honum eins og henni ber að gera.

Árni Tómas er ekki GUÐ bara til að hafa það á hreinu, hann er vel fullorðin maður sem er að láta af störfum á næsta ári sökum aldurs, hvað hefði orðið um fíklana hans þá?

það var ekki skilyrði að vera búinn að sækja um pláss á Vog sumir voru búnir að fá lyf hjá Árna Tómasi í þrjú ár og flestir bjuggu á Gistiskýlinu, voru á götunni.

Þetta eru hættuleg lyf sem fólk verður mjög veikt af að nota lengi, líkaminn þolir ekki álagið til lengdar,.

Fólk með viðurkennda ópíóðafíkn þarf ekki að bíða lengi eftir innlög á Vogi, Valgerður hefur staðfest það í blöðum og víðar.

Þessi lyf ganga kaupum og sölum á götunni.

Þá er komið að svarinu Skaði eða Skaðaminnkun?

Fylgjendur Árna Tómasar eru að Skaða

Frú Ragnheiður eru í skaðaminnkun

Valgerður SÁÁ er í lækningum og eftirfylgni.

En samt þá stendur þetta og fellur með hvað fíkillinn vill ef hann vill ekki í meðferð þá er ekki hægt að þvinga hann til þess, en hvað þá?

Eigum við að “útvega” þeim ókeypis dóp? Það verður þá að vera gert löglega og af fagfólki ekki í óhreinum bílastæðakjöllurum.

Valgerður Rúnarsdóttir sérfræðingur í lyflækningum og fíknlækningum frá Brown University RI, Bandaríkjunum

Alma Dagbjört Möller landlæknir er með sérfræðiviðurkenningu og doktorsgráðu í svæfinga- og gjörgæslulækningum, meistarapróf í stjórnun heilbrigðisþjónustu og lýðheilsu og sérfræðiviðurkenningu í heilbrigðisstjórnun

Árna Tómas Ragnarsson, sérfræðing í gigtarsjúkdómum

Höfum hlutina á hreinu og leitum okkur upplýsinga áður en við „stökkvum á vagninn“ og sparið stóru orðin þar til hið rétt hefur komið í ljós, að við aðstandendur séum að munnhöggvast við fagfólk um hvað sé rétt og rangt er ekki að hjálpa neinum bara skapa glundroða, reiði og minnka traust á fólki og stofnunum sem við þurfum að hafa með okkur í liði. Vinnum í þessu saman það er vænlegra til árangurs.

Aðstandendur eiðum kröftunum okkar í að berjast fyrir fleiri meðferðarúrræðum og betri aðbúnaði í húsnæðismálum, breytum ástandinu. Verum partur af lausninni og ekki vandanum.

Kapp er best með forsjá.

Höfundur er aðstandandi.