Felldu úr gildi frið­lýsingu en mátu Mumma ekki van­hæfan

Ríkisútvarpið greindi fyrst frá dómi Hæstaréttar.

Guðmund­ur Ingi Guðbrands­son, þáver­andi um­hverf­is- og auðlindaráðherra, til­kynnti um friðlýs­ingu svæðis­ins árið 2019 og boðaði friðlýsingar fleiri svæða í kjölfarið. Jökulsá á Fjöllum varð þá fyrsta friðlýsta svæðið í verndarflokki rammaáætlunar sem Alþingi samþykkti 2013.

Land­eig­end­ur Brú­ar 1 og Brú­ar 2 í Múlaþingi áfrýjuðu ákvörðun­inni en á svæðinu hafa verið ráðagerðir um virkjanagerð og hafa Arn­ar­dals­virkj­un og Helm­ings­virkj­un verið nefnd sem virkjanakostir. Báðir kost­ir hafa verið í vernd­ar­flokki sam­kvæmt ramm­a­áætl­un frá ár­inu 2013.

Í dómi Hæsta­rétt­ar seg­ir að gengið hafi verið á lögv­arða hags­muni þeirra sem eiga vatns­rétt­indi á svæðinu og var friðlýs­ing­in því dæmd ógild. Hins veg­ar féllst dómurinn ekki á kröfu land­eig­enda um að Guðmund­ir Ingi hafi verið van­hæf­ur sök­um þess að hann var formaður Land­vernd­ar skömmu áður en ákvörðun var tek­in um friðlýs­ingu.

Íslenska ríkinu er einnig gert að greiða áfrýjendum, Önnu Guðnýju Halldórsdóttur, Stefáni Halldórssyni og Þóreyju Kolbrúnu Halldórsdóttur, hverju fyrir sig samtals 600 þúsund krónur í málskostnað í héraði og fyrir Hæstarétti.