Tuttugu stéttar­fé­lög skrifuðu undir kjara­samninga

Í tilkynningu segir að þar með hafi samninganefnd sveitarfélaga lokið samningum við ríflega helming viðsemjenda sinna eða 33 félög af þeim 58 sem samninganefndin hafi umboð fyrir. Samninganefndin vilji þakka bæjarstjórum sérstaklega fyrir að greiða fyrir því að samningur náðist við Starfsgreinasambandið með undirritun viljayfirlýsingar vegna gjaldfrjálsra skólamáltíða. 

Yfirlýsingin hafi náð til þeirra sveitarfélaga sem ekki höfðu þegar tekið ákvörðun um að bjóða upp á gjaldfrjálsar skólamáltíðir. 

Niðurstaða í atkvæðagreiðslum félaganna um kjarasamninginn liggur fyrir 15. júlí næstkomandi. Tvö stéttarfélög drógu umboð sitt til Starfsgreinasambandsins til baka þ.e. Verkalýðsfélagið Hlíf vegna Hafnarfjarðarbæjar og Afl starfsgreinafélag. Því er ósamið við þessi stéttarfélög og halda kjaraviðræður við þau áfram undir verkstjórn ríkissáttasemjara.

Þau félög innan Starfsgreinasambandsins sem samningur nær til eru: 

• Aldan stéttarfélag
• Báran stéttarfélag 
• Drífandi stéttarfélag 
• Eining-Iðja
• Framsýn stéttarfélag
• Stéttarfélag Vesturlands
• Stéttarfélagið Samstaða
• Verkalýðsfélag Akraness
• Verkalýðsfélag Grindavíkur
• Verkalýðsfélagið Hlíf vegna Garðabæjar
• Verkalýðsfélag Snæfellinga
• Verkalýðsfélag Suðurlands
• Verkalýðsfélag Vestfirðinga
• Verkalýðs- og sjómannafélag Bolungarvíkur
• Verkalýðs- og sjómannafélag Keflavíkur
• Verkalýðs- og sjómannafélag Sandgerðis
• Verkalýðsfélag Þórshafnar.