Sport

Thelma Björg komst líka í úr­slitin

Óskar Ófeigur Jónsson skrifar
Már Gunnarsson og Thelma Björg Björnsdóttir komust bæði í úrslit á Ólympíumóti fatlaðra í morgun.
Már Gunnarsson og Thelma Björg Björnsdóttir komust bæði í úrslit á Ólympíumóti fatlaðra í morgun. hvatisport.is

Ísland mun eiga tvo sundmenn í úrslitum á Ólympíumóti fatlaðra í kvöld. Thelma Björg Björnsdóttir komst líka í úrslitasundið eins og Már Gunnarsson fyrr í morgun.

Thelma Björg náði sjöunda besta tímanum í undanúrslitum í 100 metra bringusundi.

Hún synti á 1:58.93 mín. en Íslandsmet hennar er 1:52,79 frá árinu 2017.

Hin breska Grace Harvey náði besta tímanum í undanúrslitunum með því að synda á 1:42.73 mín.

Auk Íslendinga þá eiga Bretar, Kínverjar, Úkraínumenn, Ítalir, Brasilíumenn, Þjóðverjar og Japanar sundkonu í úrslitasundinu í dag.

Thelma Björg varð áttunda í þessari grein á síðasta Ólympíumóti fatlaðra í Tókýó fyrir þremur árum.

Már syndir í úrslitum í 100 metra baksundi klukkan 16.31.

Thelma syndir í úrslitum í 100 metra bringusundi klukkan 17.55.

Sund Ólympíumót fatlaðra

Mest lesið


Fleiri fréttir

Sjá meira


×

Mest lesið